Mula Abril, ang lahat ng mga price tag sa Japan ay dapat magpakita ng presyo na kasama na ang consumers tax

TOKYO

Sa Japan, nakasanayan na ng tao ang mga price tags ng mga produkto na kung saan magkahiwalay na nakalagay ang presyo ng produkto at nasa ilalim at napaka liit namang nakasulat ang tunay na presyo na may kasamang tax. Pero mula abril ipagbabawal na ito.

Simula Abril, kinakailangan nang ipakita ang presyo na may kasama ng consumer tax sa lahat ng mga price tags ng produkto o serbisyo.

Kailangan din noon na alamin muna ang presyo kung ito ba ay “zeikomi” with tax o “zeinuki” tax free. Minsan nagugulat ang mga tao na biglang tataas ang kanilang bills yun pala ay nakakalimutan nilang tignan ang presyo kung ito ba ay may tax o wala pa.

Ang ibang mga seller naman ay tutol sa bagong sistema dahil para sa kanila, mas lalong mababawasan ang kanilang customer dahil baka mamahalan sa mga presyo sa unang tingin palang.