NAGOYA (Kyodo) – Ang mga dayuhang manggagawa, na mahalagang solusyon sa tumatandang lipunan ng Japan, ay naging isa sa mga demograpikong pangkat na pinaka apektado ng pagbagsak ng ekonomiya dahil sa coronavirus pandemic.
Habang maraming mga naturang manggagawa ang nasesante bilang resulta ng pagbagsak ng ekonomiya, ang ilan ay nagsusumikap na bigyan ng kapangyarihan ang kanilang sarili at pagbutihin ang sitwasyong nakapalibot sa kanilang trabaho.
Kabilang sa mga ito ang isang babaeng Pilipino na nakatira sa prefecture ng Aichi, na mayroong populasyon ng Filipino na 39,339 hanggang sa huling bahagi ng 2019, ayon sa Justice Ministry, na marami sa kanila ay nagtatrabaho sa sektor ng manufacturing.
“Nais kong lumikha ng isang mahusay na working environment para sa mga dayuhan” sa ni na Maria Santos habang nag-aalala siyang ang kanyang tungkulin sa union ay maaaring hadlangan ang kanyang paghahanap ng trabaho.
Bumuo ng isang labor union si Santos para sa mga manggagawa mula sa Aichi noong Hunyo kasama ang 15 pang mga Pilipino pagkatapos na sila ay natanggal o ang kanilang mga kontrata ay hindi na na-renew dahil sa pandemiya.
Nilalayon ng kanyang union na Aichi Migrants Workers na tulungan ang mga dayuhang manggagawa at ito ang kauna-unahang lokal na labor union na nakabase sa pamayanan para sa mga manggagawang non Japanese sa Aichi.
Sa tulong ng isang lokal na union na nagngangalang Union Aichi, ang AMW ay nagsagawa ng buwanang mga sesyon ng pag-aaral sa mga sistema ng workerz at batas ng Japan at simula pa noong Marso ay mayroong 24 na miyembro mula sa Pilipinas.
“Kami, bilang mga dayuhan, ay nais na tulungan ang bawat isa sa pamamagitan ng pag-aaral ng sistema ng trabaho dito,” sinabi ng 56-taong-gulang na Santos na dumating dito sa Japan noong 1988.
Ang layunin nila ay upang mabigyang gabay ang mga manggagawa at turuan ang mga manggagawa tungkol sa kanilang mga karapatan at mga benepisyo na maaaring matanggap atbp mga topic patungkol sa batas at pamumuhay ng mga manggagawa.
Join the Conversation