Isang smell kit ang ginawa para sa masuri kaagad ang sintomas ng coronavirus

Isang grupo ng Japanese researchers ang nag-sabi na naka-gawa sila ng isang test kit na maka-tutulong sa maagang pag-diagnose ng coronavirus infection. Ang nasabing test kit ay maka-tutulong sa mga tao upang malaman kung ang kanilang pang-amoy ay may problema.

Ang grupo na pinamumunuan ni Professor Ikeda Katsuhisa mula sa Juntendo University ang nagpahayag nuong Biyernes.

Sinabi ng mga mananaliksik na may mga ulat mula sa ibang bansa na mayroong mahigit 80 porsyento ng mga taong nahawaan ng virus ay nawalan ng pang-amoy. Ngunit sinabi rin nila na mahihirapan malaman ng mga tao na sila ay nawalan ng pang-amoy kung mild lamang ang nararamdamang sintomas.

Amoy green-apple at mayroon din caramel scent ang nasabing kit.

Ini-adjust umano ng mga mananaliksik ang lakas o tapang ng amoy base sa mga taong may normal na pang-amoy.

Napag-alaman rin ng mga ito na ang mga taong nag-eedad nang 50 anyos pataas ay hindi masyadong malakas ang pang-amoy kumpara sa mga bata-bata pa ang edad, kung-kaya’t sila ay nag-prepare ng dalawang set ng magka-ibang tapang ng amoy para sa dalawang grupo na nahahati base sa kanilang edad.

Ayon pa sa mga mananaliksik, ang ibang tao na nahawaan ay nakaranas ng pagka-wala ng kanilang pang-amoy bago pa makaranas ng ibang sintomas, tulad ng lagnat at pag-ubo, at bago sila maging positibo sa pag-susuri.

Sinabi pa ni Professor Ikeda sa mga reporters na ang pagka-wala ng pang-amoy ay isang tipikal na mararanasang sintomas ng coronavirus. Ngunit kakaunti lamang ang mga taong nache-check ang sarili kung sila ay nawalan ng kanilang pang-amoy. Dinagdag niya rin na sana maka-tulong ang nasabing test kit upang kaagad na madiskubre kung sila ay nahawaan ng coronavirus infection.

Source: NHK World Japan

Image: Gallery

I found this helpful

I didin't find this helpful