Mga taxi, sinabihan na mag ventilate gamit ang fresh air mode ng air conditioner

Hiniling ng ministry ng transportasyon ng Japan sa mga driver ng taxi na gamitin ang fresh air mode ng mga aircon ng kanilang sasakyan upang mabawasan ang panganib na magkaroon ng coronavirus infection. Hiniling din nito na magsuot sila ng mask at hilingin sa mga pasahero na gawin din ito.

Nagpadala ang ministeryo ng mga kahilingan sa pamamagitan ng isang grupo ng industriya ng taxi matapos ang pag-aaral ng simulation ng supercomputer na Fugaku sa RIKEN institute ng pananaliksik.

Sinuri ng computer ang bisa ng mga aircon sa mga nagpapahangin na taxi.

Ipinakita sa simulation na kapag ang mga bintana ay sarado at ang aircon ay inilagay sa fresh air mode kung saan ang hangin sa taxi ay pinapalitan nito ang hangin mula sa labas na aabot lamang ng halos 90 segundo.

Tumagal naman ng halos kalahati o humigit-kumulang 45 segundo, kapag na-maximize or naka high ang fresh air mode.

Ipinakita rin ng computer na ang dami ng mga droplet na nakakalat sa isang ubo ng isang pasahero na nakasuot ng mask ay halos 30 porsyento ng isang pasahero na walang maskara.

Sinabi ng isang opisyal ng ministeryo na dapat gamitin ng mga driver ng taxi ang aircon upang magpahangin kung kailangan nilang isara ang mga bintana dahil sa malamig na panahon.