MITO- Isang lalaki ang nanloob sa apartment ng isang 22 taong gulang na estudyante ng unibersidad sa Mito, Prepektura ng Ibaraki, at ninakaw ang ¥70,000 yen na cash, pahayag ng mga pulis noong Linggo.
Ayon pa sa mga pulis, ang panloloob sa apartment ay nangyari dakong 3:45 ng madaling araw Sabado kungsaan diumano’y ginising ng suspek ang natutulog na babae at nag-demand ng pera ,sinabihan din itong papatayin kung magtangkang manlaban , iniulat ng Sankei Shimbun.
Matapos maibigay ng biktima ang pera at ang cell phone, binusalan ng suspek ang biktima at itinali nito ang mga kamay at binti at saka tumakas.
Nagawang makawala ng babae sa pagkakatali at nag-report sa kapulisan sa pamamagitan ng isang social network site gamit ang kanyang computer. Udinagdag ng mga pulis na ang biktima ay walang tinamong pinsala.
Source: Japan Today
Image: Gallery
Join the Conversation