HOKKAIDO – Humihingi ng tulong sa publiko ang Hokkaido Prefectural Police sa pagkikilanlan ng isang bangkay na lalaki na natagpuan sa isang beach sa bayan ng Obira noong nakaraang linggo, iniulat ng Hokkaido Cultural Broadcasting (Nob. 6).
Bandang 7:50 ng umaga noong Nobyembre 4, nakatanggap ang pulis ng isang tip mula sa isang passerby. “Kung ano ang tila isang sea lion ay isang tao pala,” sabi ng nag-report.
Ang pulis na agad rumisponde sa beach sa Onishikatoyohama ay natagpuan ang katawan na nakahandusay at nakadapa.
Base sa pagsusuri sa katawan ay walang nakitang mga palatandaan ng panlabas na sugat. Ang lalaki ay pinaniniwalaang namatay nang higit sa isang buwan bago ito natagpuan, ayon pa sa mga pulis.
Ang lalaki ay tinatayang nasa edad 50. May taas nang halos 170 cm , at may katamtamang laki ng pangangatawan.
Upang makatulong sa pagkakakilanlan, naglabas ang mga pulis ng mga litrato na nagpapakita ng kulay-abong underwear at maitim na shirt na suot ng biktima.
Sa mga taong may impormasyon sa kaso ay pinapayuhan na tumawag at makipag-ugnayan sa Rumoi Police Station sa 0164-42-0110.
Source: Tokyo Reporter
Image: Twitter
Join the Conversation