Giant Panda ng west Japan, nanganak nang muli matapos ang 2 taon

SHIRAHAMA, Wakayama – Inihayag ng isang zoo sa kanlurang Japan na ang babaeng giant panda na si Rauhin ay nanganak ng isang lalaking panda noong Nobyembre 22 – ang kanyang huling panganganak ay dalawang taon na ang nakakalipas.

Ang baby panda ay ang ika-17 na batang anak na iniluwal  sa Adventure World theme park sa bayan ng Shirahama, Wakayama Prefecture. Ipinanganak noong 11:50 ng umaga noong Nobyembre 22, ang lalaking baby panda ay may sukat na 20.5 sentimetro ang haba, at tumimbang ng 157 gramo. Ang panda ay sinasabing napaka healthy, napaka cute, at mahigpit na naka yakap sa kanyang ina.

Ang natural na pagbe breed sa pagitan ng 28-taong-gulang na lalaking giant panda Eimei at 20-taong-gulang na Rauhin ay nakumpirma noong Hunyo.