Maaaring buksan ang mga testing centers para sa virus sa Sept sa 3 mga paliparan.

TOKYO
Maaaring simulan ng Japan ang pagpapatakbo ng mga testing centers para sa coronavirus sa mga pangunahing paliparan at sa mga malalaking lungsod nitong Setyembre bilang bahagi ng pagsisikap na mapawi ang mga paghihigpit sa paglalakbay sa internasyonal, sinabi ng mga opisyal ng gobyerno noong Martes.

Sisimulan ng Japan na magsagawa ng halos 9,000 polymerase chain reaction test bawat araw sa mga manlalakbay sa mga sentro sa paliparan ng Haneda, Narita at Kansai pati na rin sa Tokyo at Osaka metropolitan area, dagdag pa ng mga opisyal.

Dagdagan ng pamahalaan ang kapasidad ng screening sa 13,000 tests bawat araw pagkatapos ng pagpapaliit ng kapasidad ng mga quarantine stations, sinabi nito.

Sinabi pa ng mga opisyal ng gobyerno na susubukan din ng mga awtoridad na bawasan ang dami ng oras na kinakailangan upang maproseso ang mga tests at magbigay ng mga resulta mula sa mga araw hanggang oras sa mga bagong pasilidad sa pamamagitan ng pagpapakilala ng mga modernong pamamaraan ng tests.

Ang mga testing centers na magse-service ng mga inbound arrivals ay makakapagproseso ng 6,000 katao araw-araw – 1,800 sa Haneda sa Tokyo, 2,700 sa Narita malapit sa Tokyo at 1,500 sa Kansai, Osaka. Ang mga testing centers ay maaari ring makapagproseso nang 6,000 mga taong bibiyahe palabas ng Japan araw-araw.

Magbibigay din ng mga certificates ang mga nasabing testing centers sa mga magne-negatibo sa tests.

Ang mga pribadong klinika ay magsasagawa ng mga pagsusuri para sa mga pasaherong palabas ng Japan hanggang sa magbukas ang mga centers, ngunit ang kabuuang bilang ng mga tests na isinagawa araw-araw ay pinaniniwalaang hindi hihigit sa ilang daan.

Source: Japan Today