Pagkawala ng sense of smell, isa sa misteryosong sintomas ng Covid-19

Ito ang isa sa mga pinaka-misteryosong sintomas ng coronavirus: ang pagkawala ng sense of smell.

Ayon sa mga mananaliksik sa Europa, higit sa 85% ng mga nahawaan ng coronavirus ay nakakaranas ng ganitong problema. Ngayon may isang mananaliksik na nalaman kung bakit ganito.

Natuklasan ni Professor Miwa Takaki ng Kanazawa Medical University na ang virus ay nagdudulot ng pamamaga ng mga cells na sumusuporta sa mga receptor ng olfactory. Sinabi niya na ang namamaga na mga cell ay malamang na hinaharangan ang mga receptor ng pang amoy.

Sinabi ni Miwa na ang biglaang pagkawala ng pang amoy ay hindi nangangahulugan na ang isang tao ay makaka develop ng mas malubhang sintomas. Ngunit sinabi niya na dapat ituring ito ng mga tao bilang isang indikasyon na maaaring nahawahan na sila ng virus.

Sinabi rin niya na ang mga taong nakakaranas nito ay hindi dapat magmadali na pumunta sa ospital kundi makipag-ugnay muna sa isang pampublikong sentro ng kalusugan.