TOKYO
Ang mga dayuhang trainees na natanggal sa trabaho dahil sa epekto ng coronavirus ay maaaring makapagpalit ng trabaho at manatili sa Japan, sabi ng Immigration Services Agency.
Sa patuloy na pagsiklab ng nakakahawang sakit na inaasahan na magdulot ng isang malaking pagbagsak sa ekonomiya sa buong mundo, inihayag ng gobyerno ng Japan ang mga hakbang sa suporta para sa mga dayuhan sa ilalim ng programa sa internasyonal na intern.
Ang mga panukala sa relief ay ibibigay sa mga dayuhan trainees na manggagawa na nawalan ng trabaho at mga international students na tinanggal sa trabaho dahil sa virus.
Ang programa ay itinatag upang maitaguyod ang internasyonal na pakikipagtulungan sa pamamagitan ng pagbibigay ng mga kasanayan at kaalaman sa mga industriya ng Japan sa mga umuunlad na bansa. Pinapayagan lamang ang mga trainees na magtrabaho sa mga itinalagang larangan sa ilalim ng kasalukuyang mga regulasyon.
Aayusin ng pamahalaan ang mga trainees na bumalik sa kanilang itinalagang propesyon sa sandaling natapos na ang virus na sanhi ng pneumonia.
Dahil sa pandemya, ang mga kontrata sa ilang mga larangan tulad ng mga sektor ng pagmamanupaktura at turismo ay hindi na pina renew, habang ang mga industriya tulad ng caregiver at sa agrikultura at nursing care ay may malaking kakulangan sa trabahador dahil gindi makapasok sa bansa ang mga bagong interns.
Ang mga dayuhang manggagawa ay maaaring maghanap ng mga trabaho sa 14 na mga larangan at ang mga employer ay obligadong magbigay ng sapat na sweldo na katulad ng mga tinatanggap ng mga trabahador na Hapon.
Sa sandaling mapunta sila sa bagong trabaho, ang status of residence nila ay magiging “designated activities” na nagpapahintulot sa kanila na makapagtrabaho nang hanggang sa isang taon. Maaari silang mag-file ng mga aplikasyon upang baguhin ang kanilang status mula Lunes.
© KYODO
Join the Conversation