Ilang mga City sa Aichi babawasan ang bills sa tubig sa loob ng four months at ang ibang lugar ay gagawing libre

Dahil sa paglaganap ng impeksyon ng Coronavirus at para na din maiwasan ang pagkalat nito, maraming mga tindahan, establishments at mga kumpanya ang pansamantalang natigil ang mga operasyon at walang katiyakan kung kailan ulit babalik sa normal ang sitwasyon.

Madami sa mga manggagawa ang naapektuhan dahil sa virus at nawalan ng trabaho o pansamantalang natigil ang trabaho kung kaya’t nagkakaroon ng mga problema pag dating sa pinansiyal.

Nagpasya ang ilan sa mga city sa Aichi perfecture na lagyan ng napakalaking bawas ang mga water bills at may ibang mga lugar naman na gagawing libre ito sa loob ng 4 hanggang 6 na buwan.

Ilan sa mga city ay ang Kariya city kung saan depende sa area ay magsisimula sa March to June, o di kaya April to July. Tinatantiyang halos 6,400 yen mahigit ang mababawas kada household.

Sa ganitong paraan ay mababawasan ang burden ng mga tao dahil sa epekto ng virus at madaming humihiling na sana any ganito din ang gawin ng ibang mga prefecture

Source: Japan Today