Japanese washi paper na ginawang face mask, mainam din na alternative

Tawag pansin ngayon ang isang kit ng diy face mask na gawa sa tradisyonal na washi paper sa gitna ng kakulangan ng face masks dahil sa coronavirus.

Ang mga tradisyonal na “washi” paper ay gawa ng artisan na si Makoto Sasaki at ang kanyang asawa na si Satomi at gumawa sila ng mga DIY or do it yourself na kit sa kanilang pagawaan sa Gotsu City sa kanlurang Japan.

Ang mask ay napaka simple at madaling gawin, magagawa ito sa pamamagitan ng pagtitiklop ng papel ng washi upang magkasya sa iyong mukha.

Pagkatapos ay lalagyan ng pandikit at maaaring itong magamit at malabhan ng paulit-ulit.

Ang isang kit ay maaaring makagawa ng dalawang mask at nagkakahalaga ng mga 9 dollar. Posibleng makapag order sa Internet o telepono, ngunit sinabi ni Makoto na kailangang maghintay ng dalawang buwang bago maideliver sa mga bibili dahil sa sobrang dami ng nagoorder.

Source: NHK World