Japan, araw-araw itinatala ang mga bagong kaso ng coronavirus

Ayon sa mga opisyales, ang bilang ng kumpirmadong kaso sa bansa ay umabot na nang 773 nitong Sabado.

Hindi kasali sa nabanggit na pigura ang 697 katao mula sa US- operated na cruise ship at ang 14 kataong bumalik mula sa chartered flight mula sa Tsina.

Isa pang ulat ng pag-panaw nuong Sabado ang dumagdag sa bilang, 22 katao na ang nai-ulat na pumanaw sa Japan na may kaugnayan sa nasabing sakit at 7 pa mula sa cruise liner.

Ang pinaka maraming naiulat na kaso ay sa Hokkaido, hilagang bahagi ng Japan na umabot na sa bilang na 144, na sinundan ng Aichi sa bilang na 121, Osaka sa bilang na 102, Tokyo sa bilang na 87. Samantalang sa Hyogo ay mayroong 67 at sa Kanagawa namanay 50.

Sinabi rin ng mga opisyales na nuong Biyernes ay mayroong 46 na pasyente na nasa malubhang kondisyon. 14 sa mga ito ay mula sa cruise ship.

Dinagdag din nila na ang 525 na katao ay na-discharge na ng ospital matapos bumuti ang kalusugan.

Source: NHK World Japan

Source: Image Bank