Isasailalim sa screening ng coronavirus ang cruiseship na ito sa Japan

Ang mga opisyal ng quarantine ng Japan ay sumakay sa isang cruise ship sa Yokohama, malapit sa Tokyo, upang i-screen ang mga crews nito at mga pasahero para sa coronavirus.

Pinagpasyahang i-screen ang barko matapos madiskubre na isa sa mga pasahero nito na galing Hong Kong ang nag positibo sa coronavirus pagkatapos niyang bumaba ng barko at umuwi sa kanyang lungsod sa Hongkong.

Ang ministeryo sa kalusugan ng Japan ay nagsabi na may 2,500 na mga pasahero at mga 1,000 na mga crews ang nakasakay dito.

Ang sasakyang-dagat ay bumalik sa Yokohama matapos mag stop over sa southern prefecture ng Kagoshima, pati na rin sa Hong Kong, Vietnam, Taiwan, at Okinawa.

Sinabi ng mga opisyal ng ministro na ang mga taong may lagnat, ubo o iba pang mga sintomas ay susuriin para sa virus.

Sinabi ng mga opisyal na mananatili ang lahat sa loob ng cruise ship hanggang matapos ang testing sa quarantine.

Source: NHK World