Ang historic Toshimaen playland ng Tokyo ay papalitan ng Harry Potter theme park

TOKYO – Itatayo ang isang bagong parke ng libangan na may tema na tiyak ay patok sa lahat. Ito ay ang sikat na “Harry Potter” na nobela at serye ng pelikula ang siyang papalit sa bahagi ng Toshimaen playland na inaasahang magbubukas sa 2023.

Ang Seibu Group, na nagmamay-ari at nagpapatakbo ng Toshimaen sa Nerima Ward ng Tokyo, ay nakikipag-usap sa Warner Bros. Entertainment Inc. at ng Tokyo Metropolitan Government tungkol sa proyekto.

Sa ilalim ng plano, ang Toshimaen ay magsasara ng paunti unti bago matapos at mabuksan ang Harry Potter theme park.

(Japanese original by Munehisa Ishida, Business News Department, and Kentaro Mori, City News Department)