Japan post, nagsimula ng tumanggap ng mga New Year’s card “Nengajo”

Sinimulan na ng Japan Post ang pagtanggap ng mga New Year’s card “Nengajo” sa buong bansa. Ang isang post office sa Osaka City, kanlurang Japan, ay nag-imbita ng mga lokal na kindergarten at kanilang mga magulang upang markahan ang okasyon.

Sa post office, kumanta ang mga preschooler tungkol sa Bagong Taon at naghanog ng sayaw.

Pagkatapos ay naghulog sila ng kanilang mga hinandang New Year’s card para mapadala ito sa mga miyembro ng kanilang pamilya at kaibigan.

Gumawa sila ng kanilang sariling mga card na nagtatampok ng mga daga, ang hayop ng zodiac para sa taong 2020.

Sinabi ng isang limang taong gulang na batang babae na masaya siyang gumawa ng card ng Bagong Taon kasama ang kanyang mga kaibigan. Sinabi niya na ipinadala niya ito sa kanyang ina.

Sinabi ng ina ng isang kindergartener na nagpapadala siya nito bawat taon, dahil sa palagay niya ay isang magandang pagkakataon ito na batiin ang mga kamag-anak at kaibigan na bihirang nakikipag-ugnay sa kanya.

Hinihikayat ng Japan Post ang mga tao na mag-post ng kanilang mga card by Disyembre 25, upang matiyak na ang mga card ay maihahatid sa araw ng Bagong Taon.

Source: NHK World