Marami pa din apektado na mga tao sa Japan matapos ang Bagyong Hagibis. Ang death toll na ngayon ay nasa 58 at aasahan pang madadagdagan sa patuloy na clean up at search and rescue operation.
Isang Panamanian-registered cargo ship na may kapasidad ng 12 katao na lumubog sa baybayin ng Kawasaki City noong Sabado, na siyang ikinamatay ng pitong katao. Sinabi ng Prefecture ng Kanagawa na ang aksidente ay sanhi ng Bagyong Hagibis.
Bilang karagdagan sa mga namatay, 14 katao ang nakalista bilang missing. Mahigit sa 210 na iba pa ang nasugatan sa bagyo sa katapusan ng linggo.
Sinabi ng mga opisyal na hanggang sa 40 porsyento ng taunang pag-ulan ay naitala lamang sa isang araw o dalawa sa maraming lugar.
Ang bagyo ay nagdulot ng higit sa isang daang ilog na umapaw. May mga nasira na Levees ng hindi bababa sa 21 at pagbaha sa mga lansangan at residential areas.
Ang Chikuma River sa Nagano Prefecture, hilagang-kanluran ng Tokyo, ay kabilang sa mga ito.
Ang mga kalsada ay lubusang nalubog sa maputik na tubig. Ang mga bahay sa buong rehiyon ay bumaha ng hanggang sa tatlong metro ng tubig.
“Wala akong ideya kung paano matatanggal ang putik na ito. Grabeng problema to,” sabi ng isang residente.
Isang tulay ng train ang bumagsak sa ilog at pagbaha na naka-apekto sa serbisyo ng tren. Ang isang maintenance depot para sa Hokuriku Shinkansen bullet train line ay binaha din.
Sa Lungsod ng Tomioka sa hilaga ng Tokyo, ang isang pagguho ng lupa ang nakasira ng maraming mga tahanan, at nagsanhi ng hindi bababa sa 4 na tao ang namatay.
Source: NHK World
Join the Conversation