Sinimulan ng isa sa telecom company ng Japan na KDDI na operator ng au mobile network, ang pagpapatakbo ng isang vessel na nagbibigay daan sa mga tao na gumamit ng mga serbisyo ng mobile phone sa typhoon-hit Chiba Prefecture, sa silangan ng Tokyo.
Ang mga serbisyo ng mobile phone ay nananatiling hindi magamit sa timog at iba pang mga bahagi ng prefecture, dahil sa napakalaking pinsala sa kuryente na dulot ng Bagyong Faxai. Ang bagyo ay tumama sa mas malawak na lugar sa Tokyo noong isang linggo.
Nagpadala ang KDDI ng isang base station vessel sa dagat mula sa Tateyama City sa southern tip ng Chiba Prefecture noong Linggo. Ang barko ay nagsimulang gumana noong umaga.
Sinabi ng firm na ang mga tao hanggang sa 20 kilometro mula sa barko ay maaaring gumamit ng mga serbisyo ng mobile phone sa pamamagitan ng satellite.
Ang KDDI, na nagpapatakbo ng au mobile network, ay nagplano na mag-alok ng serbisyo hanggang maibalik ang mga istasyon na nakabase sa lupa.
Ito ang pangalawang beses na ginamit ang barko para sa relief operation. Ang unang pagpapadala nito ay dumating matapos ang isang malaking lindol na nagwasak sa Hokkaido noong Setyembre ng nakaraang taon.
Source: NHK World
Join the Conversation