Pachinko parlor nanakawan ng 8.82 million yen

IBARAKI

Isang lalaki ang nagnakaw sa isang pachinko parlor ng 8.82 million yen sa Sakuragawa, Ibaraki Prefecture, noong Lunes ng umaga.

Ayon sa pulis, kakatapos lang magsara at papauwi na sana ang dalawang lalaki na empleyado na nasa kanilang 30s bandang 2:50 a.m. nang biglang may humarang sa kanila at tinutukan ng patalim. Inutusan sila na pumasok muli at buksan ang safe.

Pumasok silang muli at pagkatapos ay ginapos ng suspect ang mga kamay at paa ng dalawang empleyado gamit ang vinyl tape at tumakas ang suspect na tangay ang pera. Ang mga empleyado ay hindi nasaktan.

Ang magnanakaw ay inilarawan na 180-190 cms ang height, nasa kanyang 20s, at suot ang itim na long-sleeve shirt at itim na pantalon. May dala din siyang rucksack.

© Japan Today