HOKKAIDO (TR) –kasalukuyang hinahanap ngayon ng Hokkaido Prefectural Police ang drayber ng sasakyang nakita sa camera na nagdi-drift driving sa Hakodate City nitong umaga ng Linggo, mula sa ulat ng Nippon News Network (July 8, )
Ipinakita sa kuha ng camera ang isang puting sedan na minamaneho ng paikot-ikot at mabilis sa isang intersection na napapaligiran ng mga bars, restaurant at iba pang mga businesses bandang ala-1:00 ng madaling araw.
Habang isinasa-gawa ang pagpapa-ikot ng kotse, ang likod na gulong nito ay kumadkad sa semento upang mag-mukhang nag-drift. Nuong ito ay nag-drift, ang sasakyan ay pumaikot sa isang taxi.
“Medyo nakaka-takot dahil ito ay nasa tabi ng sidewalk.” ani ng lalaking kumuha ng footage.
Kinabukasan ay pinuntahan ng pulis ang lugar ng pinangyarihan upang obserbahan ang skid mark sa kalsada. Inaalam na ang pagkaka-kilanlan ng drayber ng sasakyan dahil sa suspisyon sa pag-labag sa Batas Pang-Trapiko.
Source: Tokyo Reporter
Video and Image: Youtube
Join the Conversation