207 katao ang naiulat na namatay sa terror attack sa Sri Lanka

Sinabi ng pamahalaan ng Sri Lanka na 207 katao ang namatay noong sabay-sabay na pag-atake ng bomba sa mga hotel at simbahan sa bansa.

Sinasabi ng mga awtoridad na ang lahat ng mga pag-atake ay isinagawa sa pamamagitan ng suicide bombing.

Ang pagsabog sa Sri Lanka ay naganap sa anim na lugar ng halos sabay-sabay bandang alas-9 ng umaga.

Ang mga site ng pag-atake ay tatlong luxury hotel at isang simbahan sa pinakamalaking lungsod ng Colombo, isa pang simbahan sa suburbs ng lungsod, at isa pa sa Eastern Province.

Maraming dayuhan ang nakacheck-in sa mga hotel kung saan naganap ang mga pagsabog. Sa mga simbahan naman ay may misa para sa easter sunday.

Pagkaraan ng ilang oras, isa pang hanay ng mga pagsabog ang naganap sa ibang hotel at pribadong bahay. Sinabi ng mga pulis na naganap ang mga pagsabog na ito habang sinisiyasat nila ang mga naunang pag-atake.

Sinabi ng pamahalaan ng Sri Lanka na higit sa 400 katao ang nasugatan at nakumpirma na 11 sa 36 katao ang pinaniniwalaan na mga dayuhan ang namatay sa mga pagsabog.

Ang mga ito ay tatlong Indian nationals, tatlong Britons, dalawang Turks, dalawang tao na may dual US-British citizen, at isang Portuges.

Sinabi ng pamahalaan na hindi bababa sa 19 katao ang nasugatan na dayuhan na kasalukuyang ginagamot sa ospital. Hindi pa inihahayag ang kanilang mga nasyonalidad.

Sinabi ng mga awtoridad ng Sri Lanka sa NHK na ang unang anim na pagsabog ay malinaw na terorismo. Dahil sa mga pagsabog, naglagay ng high alert para sa mga posibleng banta na pag-atake.

Ang pamahalaan ay nagpataw ng curfew sa buong bansa. Ito rin ay nagpapakilos ng mga tropa sa isang bid upang maiwasan ang higit pang pag-atake.

Ayon sa source ng pamahalaan ng Japan, isang Haponesang babae ang na kumpirma na napatay sa mga pambobomba noong Linggo sa Sri Lanka. Ang biktima ay si Kaori Takahashi, na pinaniniwalaan na nakatira sa bansa, at may impormasyon din na may nasugatan na apat na iba pang Japanese national.