Ang isang walang trabaho na 28-taong-gulang na lalaki ay naaresto noong Lunes ng gabi sa diumano’y pagkidnap sa isang 11-taong-gulang na batang babae sa Kawasaki City, Kanagawa Prefecture. Natagpuan din ng pulisya ang isang 19-anyos na babae sa bahay ng suspect.
Ayon sa pulisya, inimbitahan ni Shigeru Takahashi ang 11-anyos na batang babae sa kanyang tahanan noong Linggo pagkatapos mabasa sa isang online na mensahe kung saan sinabi niyang gusto niyang lumayas sa kanyang bahay, iniulat ng Fuji TV.
Sinabi ng pulisya na pinadalhan ni Takahashi ang babae, na naninirahan din sa Prepektura ng Kanagawa, ng isang mensahe sa pamamagitan ng kanyang smartphone, na nagsasabi na magkita sila sa Odakyu-Sagamihara Station. Dinala niya ang bata sa kanyang tirahan sa Kawasaki.
Ni-report ng kanyang mga magulang na nawawala siya noong Linggo ng gabi
Bandang 5 p.m. noong Lunes, si Takahashi ay dinala sa kustodiya. Sinubaybayan ng pulisya ang kinaroroonan ng babae sa kanyang bahay matapos makita ang dalawa na magkasama sa istasyon ng makita ito sa cctv ng istasyon ng tren. Hindi naman nasaktang ang bata.
Nang pumasok ang pulisya sa bahay ni Takahashi, natagpuan din nila ang 19-taong-gulang na batang babae ngunit hindi pa nakapagpalabas ng anumang impormasyon kung siya man ay isang kidnap victim, lumayas o kakilala ng Takahashi.
Source: Japan Today Image: Bank Image
Join the Conversation