Ang sponsor ng Olympic speed skater na si Miyako Sumiyoshi ay nagsiwalat noong Martes na natagpuang patay ang atleta sa kanyang bahay sa Nagano City noong katapusan ng linggo na pinaniniwalaang ito ay nagpakamatay. Siya ay 30 taong gulang, ayon sa ulat ng NHK.
Sa kanilang inilabas na pahayag, hindi ibinunyag ng Lawson Inc. ang sanhi ng pagkamatay ni Sumiyoshi, na sumali sa 2014 Winter Olympics sa Sochi, Russia, at iba pang mga detalye. Gayunpaman, ang mga taong pamilyar sa kaso ay naniniwala na kinitil niya ang kanyang sariling buhay, ayon sa broadcaster.
Si Sumiyoshi, na lumaki sa Kushiro City, Hokkaido Prefecture, ay pumasok sa Shinshu University kasabay ang star skater na si Nao Kodaira. Si Sumiyoshi ay umabot ng ika-14th place sa women’s 500 meters at ika-22nd sa women’s 1000 meters sa Winter Olympics apat taon ng nakalilipas.
Noong Disyembre, si Sumiyoshi ay hindi nakasali sa 2018 Winter Olympics na gaganapin sa susunod na buwan sa Pyeongchang, South Korea. Samantalang si Kodaira ay kasali sa event bilang representative ng Japan.
Source: Tokyo Reporter Image: Nikkan sports
Join the Conversation