Isang magarang modelo ng smartphone ang inihahanda ng KDDI para sa publiko sa lalong madaling panahon at kung ikaw may hinalang ito’y kakaiba, tama ka, dahil kung noong una laking takot mo lang na malubog sa tubig ang iyong smartphone ngayon ay maaring mo na itong sabonin at lilinisin pa ng tubig.
Ngayong buwan ng Disyembre sa ika-11 araw ay ipapalabas na ang KDDI Corp.’s Digno Rafre: ang naturang “world’s first entirely washable smartphone.”
Sinasabing kakayanin nito ang sabon at tubig sa init hanggang 43 degrees. Ang Digno Rafre ay iminungkahi ng isang manggagawa sa KDDI na nababahala sa nakasanayan ng kanyang mga anak hinggil sa kalusugan gayung madalas niya itong nakikitaang kumakagat kamay at pati smartphone ay naisususubo din nito.
Nilikha ng Kyocera Corporation ang nasabing smartphone, isang dalubhasa sa paggawa ng waterproof na teknolohiya. Ang Digno Rafre ay nilikha para di mapasukan ng sabon na mas pino kaysa sa tubig na nakakapasok sa mga kaliit-liitang bahagi ng smartphone. Subalit munimungkahi ng KDDI na gumamit lamang ng mga piling sabon tulad ng mga ginagamit sa foam dispensers.
Source: News on Japan
Join the Conversation